РЕФЕРАТ ЗА ИЗБОР НА СОРАБОТНИК – ИСТРАЖУВАЧ ОД ОБЛАСТА 2.05.00.04 - КОМПОЗИТНИ МАТЕРИЈАЛИ

РЕФЕРАТ

ЗА ИЗБОР НА СОРАБОТНИК – ИСТРАЖУВАЧ  ОД ОБЛАСТА 2.05.00.04 - КОМПОЗИТНИ МАТЕРИЈАЛИ ПРИ ПРИВАТНАТА НАУЧНА УСТАНОВА ИНСТИТУТ ЗА СОВРЕМЕНИ КОМПОЗИТИ И РОБОТИКА ПРИЛЕП

Врз основа на  конкурсот објавен во дневните весници Нова Македонија и Лајм на датум 19.12.2025 година, за избор на Соработник - истражувач за една од наставно-научните области: 2.05.00.04 - Композитни материјали, 2.02.00.15 - Компјутерско инженерство, информатика и роботика при Приватната научна установа Институтот за современи композити и роботика, Прилеп и врз основа на Одлуката од Советот со бр. 02-32/1 донесена на 27.02.2026, формирана е Рецензиона комисија во состав: Виш научен соработник д-р Самоил Самак од Приватна научна установа Институт за современи композити и роботика Прилеп - претседател; Научен соработник д-р­­­­­ Дијана Вајдеска од Приватна научна установа Институт за современи композити и роботика Прилеп - член; и Научен соработник д-р Билјана Костадиноска од Приватна научна установа Институт за современи композити и роботика Прилеп - член. Врз основа на приложената документација, во предвидениот рок се пријави кандидатот м-р Ице Ѓуманделоски, Соработник-истражувач при П.Н.У. Институт за современи композити и роботика, Прилеп.

Пријавата внимателно ја разгледавме и утврдивме дека кандидатот м-р Ице Ѓуманделоски, врз основа на распишаниот Конкурс, навремено и целосно ги има доставено сите документи наведени во конкурсот. Врз основа на приложената документација од кандидатот, чест ни е на  Советот на Институтот за современи композити и роботика, Прилеп да му го поднесеме следниов:

И З В Е Ш Т А Ј

КРАТКА БИОГРАФИЈА         

Кандидатот Ице Ѓуманделоски е Магистер на технички науки од областа на композитни материјали,  со повеќе од една деценија индустриско и научно искуство во областа на физиката, математиката и развој на напредни технологии, автоматизација и композитни процеси.  Основно и средно (гимназиско) образование завршува во родниот град Прилеп.

За време на своето школување, учествува на бројни регионални и државни натревари по физика, каде освојува награди со што во два наврати се стекнува со право на учество на Меѓународната олимпијада по физика – во 2010 и 2011 година.

Во периодот 2011-2015 година, студира на Природно-математичкиот факултет во Скопје, Институт за физика, при Универзитетот „Свети Кирил и Методиј” во Скопје, при што по завршувањето се стекнува со звање дипломиран инженер по физика.

Втор циклус на студии завршува на П.Н.У. Институтот современи композити и роботика - Прилеп (2018)  на студиската програма Современи композити и роботика со просечен успех 9.86.  Магистерски труд под наслов „Дизајнирање на загревачки валјак за машина за намотување препрег преку топлотна анализа со метод на конечни елементи“ успешно го брани на 11.09.2018 година.

Професионалната кариера ја започнува во 2015 година како наставник по физика во СОУ Гимназија „Мирче Ацев“ во Прилеп, а кратко потоа е ангажирн и како надворешен соработник во компанијата Микросам АД Прилеп како инженер по физика.

Од февруари 2016 година е вработен со редовен работен однос во П.Н.У. Институт за современи композити и роботика во Прилеп каде се стекнува значително искуство преку работа на развој на композитни производи, дизајнирање на алгоритми за контрола на движење, комплексни системи за автоматизација на производството на композити и развој на алгоритми базирани на машинско учење.  

Од 23.06.2020 до денес е избран во соработничко звање од областа на Композитни материјали при П.Н.У. Институт за современи композити и работика, каде активно е вклучен во научно-истражуачки проекти и значително придонесува во развојот на наставно-научната дејност.  

Со своето богато инженерско и истражувачко искуство, м-р Ице Ѓуманделоски претставува висококвалификуван кандидат чија работа значително придонесува на развојот на современите технологии во композитната индустрија.

ПРОЕКТИ

Кандидатот м-р Ице Ѓуманделоски има учествувано во голем број на проекти за проектирање и производство на автоматизирани и роботизирани машини, претежно интерни проекти на Институтот за современи композити и роботика во Прилеп.

Учествува и во заеднички проект на компанијата Микросам со Факултетот за електротехника и информациски технологии при Универзитетот „Свети Кирил и Методиј”, кој вклучува алгоритми за компјутерски вид и машинско учење.

КОНФЕРЕНЦИИ

Кандидатот има учествувано во - 9 th International Physics Conference of the Balkan Physical Union (BPU-9), Istanbul, Turkey, 2015; proceeding published in 2016: https://aip.scitation.org/doi/abs/10.1063/1.4944294. 

Во март 2018 година учествува на на меѓународниот настан, работилница - MI-NET Modeling week во организација на Mathematics for Industry Network од европската COST Action TD1409.

ТРУДОВИ

Кандидатот Ице Ѓуманделоски е автор на објавени научени трудови, и тоа:

·         Biljana Mitreska, Ice Gjumandeloski, and Aleksandar Skeparovski, Uncertainties of Weibull distribution parameters obtained by Monte Carlo simulations of a dielectric breakdown in thin oxides, AIP Conference Proceedings  Volume 1722, Issue 1 10.1063/1.4944294, March 2016.

• Igor Dimovski, Ice Gjumandeloski, Filip Kochoski, Mahendra Paipuri, Milena Veneva, Aleksandra Risteska, COMPUTER AIDED (FILAMENT WINDING) TAPE PLACEMENT FOR ELBOWS. PRACTICALLY ORIENTATED ALGORITHM. Balkan Journal of Applied Mathematics and Informatics, [S.l.], v. 1, n. 1, p. 89-104, August 2018.

СЕРТИФИКАТИ

·         Certificate for participation as a contestant in the 41st  International Physics Olympiad, 2010, Zagreb, Croatia.

·         Certificate for participation as a contestant in the 42nd International Physics Olympiad, 2011, Bangkok, Thailand.

ЗАКЛУЧОК И ПРЕДЛОГ

Од биографијата на кандидатот, вклучувајќи ги сите неопходни податоци и информации за запознавање со неговиот професионален профил, може да се заклучи дека кандидатот  Ице Ѓуманделоски со своите досегашни ангажмани покажува интерес и способност за продолжување на вршење на научно-истражувачка работа во Институтот за современи композити и роботика.

Имајќи го во предвид досега изнесеното, согласно со постојните прописи, му предлагаме на Советот на Приватната научна установа Институт за современи композити и роботика од Прилеп, да го избере  кандидатот Ице Ѓуманделоски во звање Соработник-истражувач од областа 2.05.00.04 Композитни материјали.

РЕЦЕНЗИОНА КОМИСИЈА

    Виш научен соработник д-р Самоил Самак - претседател

Приватна научна установа

Институт за современи композити и роботика Прилеп

                               Научен соработник д-р Дијана Вајдеска - член

Приватна научна установа

Институт за современи композити и роботика Прилеп

Научен соработник д-р Билјана Костадиноска - член

Приватна научна установа

Институт за современи композити и роботика Прилеп